الكاتبة: ريم رفعت
هما الفئة العمرية الي تحت ال-18…يعني من وجهة نظر القانون والدولة ملهمش حقوق وبيعتبرو اطفال وبيندرجوا تحت مصطلح “قاصر”…..الفئة من المجتمع دي اتولدت ف بداية الالفينات….اتولدوا في وقت الانترنت اصبح بقا في كل مكان و التكنولوجيا بقت متقدمة جدا…فئة متمردة جدا فكريا و رغم انهم مجرد عيال زي ما المجتمع شايف متطورين عن كبار كتير…. ظهر مصطلح الاندر ايدج بمفهوم اخر واشتهر ف مصر بالذات وبان جدا بسبب افعال بعضهم الغير مسؤولة بسبب خطأ ف التربية وحرية زيادة امتلكوها ومحاولتهم يلفتو الانتباه و يظهروا اكبر من سنهم…..وفي بعض الأسر سيباهم على راحتهم ومش مركزين مع عيالهم رغم حاجة الابناء دول لحد يوجههم ويسمع مشاكلهم ويدلهم عالصح انشغل اولياء الامور دول ف الشغل و ازاي يوفروا لعيالهم فلوس عشان يعيشو ف مستوى اجتماعي عالي…ف الحالة دي بيتجه الابناء للأنترنت وسلوكهم بيبدا ينحرف و لو محدش لحقهم بيدخلو ف سكة صعب يرجعو منها للطريق الصح….الاولاد ف السن دا بيكونو طاقة ولازم يتوجهو للصح ويتم تنمية امكانياتهم و توظيفها صح….
