طاقتي خلصت

IMG-2297.JPGالكاتبة : نوران اشرف

دايما نقول كلمه “انا طاقتي خلصت !” بس عمرنا ما فهمنا امتى بنوصل ل مرحله اننا نقول الكلمه دي واحنا خلصانين فعلا
‎وجودك ف علاقه بتدي فيها اكتر ما بتاخد ده بيخلص طاقتك بتحس انك خلاص مش قادر تلاقي حاجه حلوه جواك تديها لأي حد عارف احساس البطاريه الي بتفضل تتشحن تتشحن ونستخدمها لحد ما تبوظ ؟ احنا كده .
‎عارف اما تكون بتذاكر ل جامعه او بتشتغل ف شغل وتفضل تبذل اقصى جهدك كأنك بتكسر ف صخره بقلم رصاص وبردو تفشل ؟ هنسمع من ناس كتير “لازم تحاول وتفضل تحاول لحد ما توصل ” , طب ليه محدش فاهم ان بتكون طاقتنا خلصت خلاص ؟ مش لاقيين اي مجهود نعمله نحاول نثبت بيه اننا كويسين لان خلاص عملنا كل حاجه , كل الي هيتعمل ف اللحظه دي هو السكات .
وسط اهلك لما بتحاول تعمل كل حاجه ترضيهم بس ف الاخر ولا حاجه بتعجبهم ويتقلك “انت ملكش لزمه ف البيت ” الكلمه دي كفيله تستنزف اقوى طاقات العالم 🙂
صاحبك الي بتحاول تفرحه وتطبق مقوله “هجبلك لبن العصفوره” وتعمل كل حاجه عشان تشوفه مبسوط ف الاخر تلاقيه بكل بساطه عرف ناس جديده وسابك ! سابك وانت جواك مليون علامه استفهام وكسره نفس ، مش هتلاقي رد فعل غير انك هتفكر انك ولا حاجه ومحدش بيحبك ولوحدك ده احساس يقتل مش بيخلص طاقه :”).
حجات كتير جداا ف حياتنا بنستهون بيها بس حدوثها بيوصلنا ل مرحله “طاقتي خلصت” مرحله انك تقعد ساكت كل حاجه بتمر قدامك مفيش رد فعل مش عارف تعيط ولا تتكلم فـ بيفضل جسمك وصوتك وكل حاجه فيك ساكنْه