Writer: Aya Khaled
Editor: Nada Basyouni
عمرك فكرت فى قد أيه أنت غلطت؟ وان غلطات الماضى ديه بتطاردك فى حياتك وافكارك لحد دلوقتى؟
عرفت ناس مكنش المفروض تعرفهم،
أرتكبت أخطاء مكنش المفروض ولا يسمح لك انك تعملها، سمحت لنفسك بطبع آثار غلط فى حياتك اتكومت عليها افكارك ونموك النفسى بحيث انها أثرت عليك لحد دلوقتى!
أثرت عليك وعلى علاقاتك مع الناس وعلى شخصيتك وعلى كل حاجة!
مبقتش عارف هى غيرتك للصح ولا مجرد أخدت منك حاجة كانت بتعَيشك!
أخدت ضحكتك وعشوائيتك وثقتك فى الناس. خَلت بينك وبينهم حاجز دايما مش عارف تشيله ..
خايف من اللى جاى ومن اللى بيدخل حياتك
خايف من اللى بيقرب اوى
خايف تتأذي تانى فا بتحط حدود بينك وبين اللى حواليك،مخلياك مش قادر تقرب !
ومش قادر تبعد !
عايز ومش عايز !
نفسك ومش نفسك !
خايف ومش خايف !.. بس المُخاطرة!
هى المُخاطرة ..
المُخاطرة انك تاخد الحركة الاولى: أنك تغير حياتك وحاجة جواك عمرك ما غيرتها بس مش عارف ازاى ولا فين ولا منين تبدأ!
خايف تغير بس مش خايف علشان “يمكن مستنيك حاجة احسن من حياتك دلوقتى” .
نفسك تقرب وتتغير بس مش نفسك ترَجَع حاجة حصلت زمان تحصل دلوقتى…خايف تحرص من الناس زيادة وحرصك ده يوصلك لخط مسدود مش قادر تتطلع منه!
حاجة جواك متلغبطة مش عارف تفكها .. حاجة كده بتقولك إن أنت غلط…بس من غير ما تديك الحل للمشكلة!
سايباك قاعد مش فاهم أيه اللى بيحصل فى حياتك، مش عارف أنت صح والا أنت مش صح وأنت فين وعايز توصل لفين.
عمال تجرى تجرى بس مش عارف أنت المفروض الجرى ده يوصلك لإيه.
وهل أنت بتجرى فى مكانك الصح والا أنت أتحطيت فى مكان غلط مع ناس غلط وطبيعة غير طبيعتك؟
يمكن محتاج تغيير؟
بس ازاى وفين؟
حالة من التشتت النفسى بتحول حياتك لكومة من العُقد
بس نصيحة منى كمل جرى وأنت هتوصل متقفش مكانك تستنى حد ينقذك محدش هيجرى بدالك أنت اللي هتغير حياتك
